و قد فرشوا اجسادهم بدلا من اغصان السعف في يوم دخوله اورشليم
يا تونيتي غسلتك وكويتك
وخليتك في احسن صورة
اصل انهارده مش يوم عادي
اصل هستقبل بيكي ملك عظيم
مش ملك ارضي عادي لا ملك سماوي
يملك علي قلبي
اخدتك يا تونيتي في حضني وبسرعه علي الكنيسه
وريحتك حلوة وبالبخور متعطرة
داخلنا الهيكل وبسرعه ابونا رشمك ولبستك
لكن المرة دي مكملناش القداس مع بعض
انا سبتك غرقانه بالدم
ولبست واحده جديده متعطرة
عمري ما هنساكي يا تونيتي
اصل انا يا اما اخدتك ورحنا اديرة كتير وقداسات كتير
صلينا مع بعض كتير وحضرنا اعياد كتير
امانه يا تونيتي روحي لامي وابويا وقوليلهم
ابنكم كان معايا في كل قداس بيصلي
وكان جدع شماس
وقوليلهم كمان يا تونيتي كان بيحب كل الناس
وكان بيقعد يتامل في القداس
وبيحب يصلي في هدوء مع شموع ودموع
تونيتي اوصيكي بحاجه قولي لاصحابي الشمامسه وابائي الكهنه ان كنت بحبهم وبحب البسك في وسطيهم
وعرفيهم اني مش هنساهم وهستناهم في اورشليم السمائيه
واخر حاجه متزعليش من الدم اللي سال مني وغرقك وان محدش هيعرف يلبسك بعدي
حبيت اسبلك ذكري مني مش انا وانتي اصحاب
بحبك يا تونيتي
#و_قد_فرشوا_اجسادهم_بدلا_من_اغصان_السعف_في_يوم_دخوله_اورشليم
لا يوجد تعليقات
أضف تعليق